هواي ناس تسأل: شنو الوقت الصح حتى نراجع طبيب العقم؟ وشلون نعرف إذا عدنا مشكلة ونحتاج علاج؟
🧬 الجواب يعتمد على عُمر الزوجة وعدد الأشهر اللي صار بيها محاولات للحمل.
🔹 إذا الزوجة عُمرها أقل من ٣٥ سنة، وكانوا يحاولون يصير حمل لمدة سنة كاملة بدون مانع حمل، بهالحالة نكدر نعتبرهم عندهم تأخّر إنجاب وننصح بمراجعة الطبيب.
🔹 أما إذا عمر الزوجة أكثر من ٣٥ سنة، فاحتمالية ضعف الخصوبة تزيد، ولهذا ما ننتظر سنة، نكدر نراجع الطبيب بعد ٦ أشهر فقط من المحاولة بدون نجاح.
🔹 وإذا الزوجة أكثر من ٤٠ سنة؟ نراجع الطبيب بسرعة وما نأجل، لأن فرص الحمل تبدأ تقلّ بشكل كبير بعد الأربعين.
✳️ أيضاً، إذا الزوجين يعرفون عدهم مشاكل معروفة مثل تكيس، ضعف التبويض، مشاكل بالحيوانات المنوية، أو دورات شهرية غير منتظمة، فلازم يبدون بالتشخيص والعلاج مباشرة، بدون انتظار.
📍بمركز بذرة الحياة، نرافقكم من أول خطوة ونساعدكم تفهمون حالتكم وشنو أنسب خطة علاج إلكم.
