الحقن المجهري هو طریقة نستخدمها بعلاج العقم، نختار من خلالها أفضل الحيوانات المنوية من الرجل، و نحقنها مباشرة داخل بويضة الزوجة.
هالعملیة یسویها اختصاصي الأجنّة تحت المجهَر، وهالشي یساعد بزیادة فرصة الحمل، خصوصاً إذا الحيوان المنوي ما يكدر يدخل البويضة بشكل طبيعي.
أول شي، نسوی موعد حتى نحچي عن حالتكم، نسمع تفاصيل وضعكم، و نشرحلكم خطوات العلاج بالتفصیل.
نسوی فحوصات للطرفین حتى نعرف نسبة الخصوبة و شنو العلاج المناسب.
🔸 ملاحظة: هالمرحلتین نكدر نرتبهن یصیرن ببلدكم قبل ما تجون لإیران، و تیمنا یتابعوا إیاكم خطوة بخطوة، حتى تقللون التكاليف و ما تضیعون وقتكم بالسفر بدون فایدة.
هالخطوة تصیر بیوم الثاني أو الثالث من الدورة الشهریة، و نعطی أدوية خاصة للزوجة حتى نحفّز المبیضین ینتجون بویضات.
🔄 الموعد الثاني یكون غالباً بعد ٧ إلى ١٠ أیام.
بهالمرحلة، نعرف إذا المبیض تجاوب زین، و نثبت الموعد المناسب لسحب البویضات.
تستغرق بس ١٠ دقايق و تكون بتخدیر خفیف.
بهالیوم، الزوج یعطي عینة سائل منوي، و نستخدمها لتلقیح البویضات.
وبعدها نخلي الأجنة بحاضنات خاصة حتى تبدی تنمو. عادةً، حوالی ٧٠٪ من البویضات یصیر عدها تلقیح، و تقریباً ٤٠–٥٠٪ توصل لیوم الخامس وتنضج وتصیر جاهزة للنقل.
إذا حالة المبیض وبطانة الرحم طبیعیة، ننقل الجنین بنفس الدورة.
وإذا الظروف ما تسمح، نجمد الأجنة، وننقلها بدورة ثانیة أو اللی بعدها.
🔸 عدد الأجنة الجیدة یعتمد على جودة البویضات وحیوانات الزوج المنویة.
إذا تحبون تعرفون أكثر، إحنا موجودین نسوّي ویّاكم استشارة شخصیة ونرافقكم من البدایة للنهایة.
هذا المبلغ يشمل الخدمات التالية:
١. استقبالكم بالمطار ومرافقتكم لمكان الإقامة من قبل شخص یتكلم اللغة العربیة.
٢. كافة الزيارات والسونارات والاستشارات الطبية خلال فترة العلاج.
٣. جميع الأدوية اللازمة لتنشيط التبويض وتحضير الجسم للعلاج.
٤. عملية سحب البويضات (البانكچر) من الزوجة تحت تخدير خفيف.
٥. عملية التلقيح المخبري وتكوين الأجنة داخل المختبر.
٦. مرحلة واحدة من نقل الأجنة إلى رحم الزوجة.
٧. تجميد الأجنة وخزنها لمدة سنة كاملة مجاناً.
٨. الأدوية الخاصة بمرحلة نقل الأجنة.
🔸 ملاحظة: السعر ما يشمل الإقامة، لكن نكدر نساعدكم نلقی أفضل خيار للسكن حسب ميزانيتكم وراحتكم.
