هواي ناس يسألون عن تصنيف الأجنّة بعد التلقيح، وخصوصاً شنو يعني لما نقول جنين Grade A أو Grade B؟
👨⚕️ أني دكتور علي رضا حيدر نژاد، أخصائي أجنة سريري، وراح أوضحلكم:
🔹 الجنين گريد A يعني إنو جودته عالية جداً، خلاياه متناسقة، نفس الحجم تقريباً، ما بيه تفتّت أو فيه تفتّت بسيط جداً، وهذا النوع عنده أعلى فرصة للانغراس داخل الرحم وحدوث الحمل.
🔸 الجنين گريد B يعني جودته زينة، بس أقل شويّة من A، ممكن نلاحظ:
اختلاف بسيط بحجم الخلايا
أو شوية تفتّت داخل الجنين
بس هالنوع هم عنده قابلية عالية على الحمل، وكثير من الحالات حملوا بأجنّة گريد B وجابوا أطفال طبيعيين تماماً.
📌 المهم تعرفون إنو تقييم الجنين بالجريد هو مجرد عامل واحد،
والحمل يعتمد على عوامل هواي مثل:
عمر الزوجة
جودة الرحم
استجابة الجسم
واستعداد بطانة الرحم للانغراس
✅ فحتى إذا طلع الجنين B، لا تقلق، لأن فرص النجاح ممكن تبقى عالية.
