اختيار جنس الجنين هو أحد التقنيات المتقدّمة اللي نستخدمها بمراكز علاج العقم.
بهالطريقة نكدر نحدّد شنو الأجنّة اللي صارت عدكم: يا جنين ولد، و يا جنين بنية.
وبعدها نختار الجنين اللي يتطابق مع رغبتكم، و ننقله إلى رحم الزوجة.
بهالطريقة، أول شي نكوّن عدكم مجموعة من الأجنّة، وباليوم الثالث من نموّها ناخذ من كل جنين خليّة وحدة (فحص بسيط)، وباليوم التالي نعرف شنو جنس كل جنين.
بدايةً، نسوّي جلسة حتى نسمع تفاصيل حالتكم ونعرف وضعكم ونشرحلكم الخطوات.
لازم نعرف نسبة الخصوبة عند الطرفين.
🔸 ملاحظة: هالمرحلتين نكدر نساعدكم تسوّوهن ببلدكم، ويكون ویّاكم فريقنا خطوة بخطوة، حتى ما تسافرون لإيران بدون داعي، ونقلل فترة بقائكم هناك.
هالخطوة تصير باليوم الثاني أو الثالث من الدورة الشهرية، ويبدأ العلاج لتنشيط المبايض.
🔄 المتابعة الجاية تصير بعد ٧ إلى ١٠ أيام.
نفحص استجابة المبايض ونحدد متى نطلع البويضات.
تستغرق تقريباً ١٠ دقايق تحت تخدير خفيف، وبهذا اليوم الزوج ينطي عينة سائل منوي.
نلقّح البويضات بالسائل المنوي داخل المختبر، ونحط الأجنّة بحاضنات حتى تبدي تنمو.
🔹 عادةً حوالی ٧٠٪ من البويضات تلقّح، و٤٠–٥٠٪ توصل لليوم الخامس وتكون جاهزة للنقل.
باليوم الثالث من عمر الجنين، نختار الأجنّة ذات الجودة العالية ونأخذ منها خليّة وحدة.
نفحص الخلية، وباليوم الرابع أو الخامس نعرف شنو جنس كل جنين.
🔸 ملاحظة: عدد الأجنّة اللي نكدر نفحصها يعتمد على جودة البويضات والحيوانات المنوية.
ممكن تكون عدنا عدّة أجنّة وممكن قليلة أو حتى ولا جنين.
إذا ماكو أجنّة مناسبة، نلغی الدورة ونرجّع فلوس فحص الجينات.
إذا رحم الزوجة وجسمها جاهز، ننقل الجنين اللي يتطابق مع رغبتكم (ولد أو بنية).
إذا الوضع الطبي غير مناسب، نجمد الأجنّة ونأجل النقل لشهر أو شهرين.
إذا تحبون تعرفون أكثر، تواصلوا ويّانه، وفريق «بذرة الحياة» راح يرافقكم بكل خطوة إن شاء الله.
هالسعر یشمل الخدمات التالية:
١. استقبالكم بالمطار ومرافقتكم لمكان السكن من قبل شخص یحچي اللغة العربیة.
٢. كل الزيارات الطبیة، السونارات، والاستشارات خلال فترة العلاج.
٣. جمیع الأدوية اللازمة لتنشيط التبويض وتحضير الجسم لسحب البويضات ونقل الأجنة.
٤. عملیة البانكچر (سحب البویضات) من الزوجة تحت تخدیر خفیف.
٥. التلقیح المختبري وتكوین الأجنة باستخدام الحيوانات المنوية من الزوج.
٦. الفحص الجیني للأجنة الجیدة
🔹 تشمل التكلفة فحص ٤ أجنة فقط.
إذا عدد الأجنة الجیدة أكثر من ٤، وتحبون تعرفون جنسهم، یُضاف ١٠٠ دولار عن كل جنين إضافي.
مثلاً إذا عندكم ٦ أجنة وتحبون تفحصوهم كلهم، تدفعون ٢٠٠ دولار إضافي.
✅ كلّما زاد عدد الأجنة اللي تفحصوهم، تزداد فرصة وجود جنين مطابق للجنس المطلوب (ولد أو بنية).
٧. مرحلة وحدة من نقل الأجنة
إذا ما نجحت أول عملية نقل، وعندكم بعد أجنّة بنفس الجنس اللي تریدوه، يِمكِنكُم تسوّون نقل جديد بالأشهر الجايه بِتكلفة ٧٠٠ دولار عن كل محاولة نقل إضافية.
٨. الأدوية الخاصة بمرحلة نقل الأجنة
٩. تجميد الأجنّة وخزنها لمدة سنة كاملة
🔸 ملاحظة: هالسعر ما يشمل الإقامة، لكن إحنا نساعدكم تلقون سكن مناسب حسب ميزانيتكم وراحتكم.
