تجميد البويضات، أو ما يُعرف بـ “تجميد الخلايا البيضية”، هو إجراء يُستخدم لحفظ خصوبة المرأة للمستقبل.
بهالطريقة، يتم استخراج بويضات من جسم المرأة، وتجميدها وخزنها حتى تستخدم لاحقاً بعلاج أطفال الأنابيب (IVF) أو غيره من تقنيات الإنجاب.
إذا كنتِ متزوجة، وما عدكم نية بالحمل حالياً، نحب ننصحكم تفكرون بخيار “تجميد الأجنّة” بدل تجميد البويضات.
هذا الإجراء يشبه علاج أطفال الأنابيب (IVF) من حيث الخطوات والتكلفة،
بس الفرق إنو ما يصير نقل للجنين بالرحم، وإنما الأجنّة تتجمّد وتنخزن للمستقبل.
النساء عادةً يجمّدن بويضاتهن بالحالات التالية:
١. لمن تأجّل الحمل لأسباب شخصية أو شُغل
يعني إذا كانت المرأة بعد ما ناوية تحبل حالياً، بس تحب تحتفظ بفرصتها بالحمل بالمستقبل.
٢. إذا عدها علاج طبي ممكن يأثر عالتبويض
مثل العلاج الكيميائي، الأشعة، أو عمليات ممكن تضر المبايض.
٣. إذا عندها مخزون ضعيف بالمبايض، أو تاریخ عائلي بيه یأس مبكّر
بهالحالة، تجميد البويضات يحفظ فرصتها بالحمل لاحقاً.
٤. إذا بعد ما متزوجة أو ما لاقت شريك مناسب
تگدر تجمّد بويضاتها وهي صغيرة حتى تستخدمهن بعدين بعلاج أطفال الأنابيب وقت اللي تحتاج.
نبدأ باستشارة طبية لتقييم وضع الخصوبة عند المرأة، وشرح كل تفاصيل تجميد البويضات، ويشمل ذلك المخاطر والفوائد المحتملة.
🔹 هاي المرحلة الأولى تشمل التقييم والمشورة، وتكدرون تسوّوها ببلدكم، ویّاية فريقنا أونلاين، حتى ما تحتاجون تسافرون من البداية.
نسوي فحوصات وتحاليل روتينية للمرأة، تشمل فحص مخزون المبيض (AMH)، والهورمونات الأساسية، مع سونار أولي.
🔹 هاي المرحلة أيضاً ممكن تتمّ ببلدكم، ویّاية الإرشادات من فريق «بذرة الحياة».
📍 يتم تحديد موعد بدء العلاج حسب الدورة الشهرية.
باليوم الثاني أو الثالث من الدورة الشهرية، تزور المرأة الطبيبة المتخصصة، ونسوي سونار ونطيها أدوية لتنشيط المبيضين.
🔸 تستمر الإبر الهرمونية يومياً لمدة ٧ إلى ١٠ أيام، حسب استجابة المبايض.
وخلال هالفترة، تكون هناك متابعة بسونار وفحص مستمر لتحديد وقت سحب البويضات.
عملية بسيطة تُجرى تحت تخدير خفيف، نسحب خلالها البويضات الناضجة من المبايض باستخدام سونار داخلي.
البويضات تُجمَع من الحويصلات الموجودة بالمبيض، وتؤخذ للمختبر.
يتم تجميد البويضات فوراً باستخدام تقنية التزجيج السريع (vitrification)، حتى نضمن الحفاظ على جودتها وسلامتها لأطول فترة ممكنة.
يتم خزن البويضات المجمدة داخل مختبر الأجنّة، بخزانات نيتروجين سائل بدرجات حرارة شديدة الانخفاض.
🔹 التخزين يبقى آمن لسنوات، وگدر تستخدم المرأة بويضاتها بأي وقت بالمستقبل.
هالسعر يشمل الأمور التالية:
١. استقبالكم بالمطار ومرافقتكم للسكن ویّاية شخص يتكلم عربي.
٢. كل الزيارات، السونارات، والاستشارات الطبية خلال فترة العلاج.
٣. جميع الأدوية اللي تحتاجها المرأة لتنشيط المبايض وسحب البويضات.
٤. عملية سحب البويضات (البانكچر) من جسم المره تحت تخدير خفيف.
٥. تجميد البويضات وخزنها لمدة سنة كاملة داخل مختبر خاص وتحت إشراف فريقنا.
🔸 ملاحظة: السعر ما يشمل السكن، بس نكدر نساعدكم تلقون أفضل مكان يناسب ميزانيتكم وراحتكم.
